MEOWCAMP 貓貓大本營

我哋嘅Meow Camp貓貓大本營網店今日終於正式面世嘞! 為咗呢個網店,我哋都籌備咗好一段日子,我哋希望做一間良心網店,專注為貓貓、貓友們提供一個良好嘅購物經驗。

我哋創立呢個網店嘅目的有幾大原因 :

1. 為貓貓提供適合健康嘅飲食。
2. 希望為各位貓奴們提供一個較為完善售賣優質貓糧嘅網上購物平台。
3. 我哋做生意之餘亦想幫助一啲街上嘅流浪貓,希望為佢哋提供溫飽。
4. 我哋亦想借呢個網店可以跟大家一齊分享、交流貓經。

希望大家多多支持!

更多我地背景

記得大約9年前,一個緣份比我哋從義工手中領養左一對喺元朗街上執到嘅兩兄弟 – 圓圓 & 朗朗,從此就開始左我地嘅貓奴生涯。好不幸地,佢哋已經相繼地喺前年及去年離開咗我哋,我哋非常之傷心,但同時因為佢哋嘅離開令我哋意識到應該要喺貓貓從小嘅時候就要比佢哋食得健康一點,等佢哋有個健康嘅生活。

因為領養咗圓圓 & 朗朗,我地有機會識左一班至同道合嘅貓友,同時間中亦有幫一班貓義工手,希望可以出一分力就一分力,一毛錢就一毛錢,幫到就幫!後來,我哋發現單憑個人嘅力量係唔夠,應該搵出一個方案可以幫到更多流浪貓,令更多孤苦伶仃嘅流浪貓就算生活喺街頭亦能得到較好待遇。

而Meow Camp貓貓大本營就係我哋想做既方向,用自己既興趣和專業去做好這個店
創立呢個網店嘅目的除咗希望可以為各位貓奴們以合理價錢買到優質健康貓產品之外,同時我們亦會將部分收益捐助比有需要嘅流浪貓或獨立義工, 希望為流浪貓提供溫飽及減輕獨立義工的負擔。

睇過我哋Facebook / Instagram嘅朋友都可能留意到我哋甚少出樣,原因係我哋部分Partner仍有正職在身唔方便出鏡,不過好彩嘅係其中一個Partner可以全職為我哋Meow Camp 貓貓大本營做總店長‧ 雖然我哋各自都有自己嘅工作,但Meow Camp貓貓大本營所有事我哋都會親力親為去做。

請支持領養不棄養

我哋亦好歡迎貓友們喺星期六嘅時候上嚟我哋Showroom一齊飲下嘢、吹吹水、交流吓貓經 (係免費開放,無任何收費㗎)。


我哋不僅是一間貓貓日用品店, 仲係一間可以讓貓友們齊齊交流養貓資訊嘅好地方。